miércoles, 22 de abril de 2009

PERÍFRASES VERBAIS

Perífrases con valor temporal

futuridade

Ir + infinitivo

Vouno comer fabada.

Haber (de) + infinitivo

Heino buscar aínda que non o encontre.

inminencia

Haber (en pretérito) (de) + infinitivo

Houbeches partir unha perna.

Querer + infinitivo

Parece que quere chover

Estar a / para + infinitivo

Os nosos pais están a / para chegar.

Perífrases con valor modal

obrigación

Haber (de) + infinitivo

Haber (impersoal) + que + infinitivo

Has de facer o que che manden.

Hai que vixiar aos nenos.

Ter + que + infinitivo

Tes que facer os deberes.

Ter + de + infinitivo

Tiña de ser así.

Deber (de) + infinitivo

Debe traballar máis e mellor.

hipótese

Haber (de) + infinitivo

Habemos rematar o mes que vén.

Deber (de) + infinitivo

Debe ter máis de cen anos.

probabilidade

Poder + infinitivo

Esa casa pode caer calquera día.

Perífrases con valor aspectual

imperfectiva

Andar + a + infinitivo

Andan a traballar día e noite.

Ser + a + infinitivo

Todos son a dicir que estamos en crise.

Andar + xerundio

Andan mercando nas rebaixas.

Estar + xerundio

Estou estudando e non podo falar.

Levar + xerundio

Levo estudando toda semana.

Seguir + xerundio

Segue sendo tan troulán coma sempre.

Ir + xerundio

Xa vai comendo un pouco mellor.

Vir + xerundio

Veñen sendo da familia

perfectiva

Acabar + de + infinitivo

Acabo de saber que estás no paro.

Deixar(se) + de + infinitivo

Deixa de andar de troula.

Dar + participio

Non dou rematado de preparar o exame.

Levar + participio

Levo viaxado moito.

Ter + participio

El xa ten feito das súas.

incoativa

Comezar / empezar + a + infinitivo

Comecei a traballar aos 20 anos

Botar(se) / poñer(se) + a + infinitivo

Despois do xantar boteime a durmir.

Dar + en + infinitivo

Dende que veu o bo tempo dei en facer moitas máis

actividades.

terminativa

Chegar + a + infinitivo

Chegou a xurar que el non fora.

Vir + a + infinitivo

Ao final veu a saberse a verdade.

Acabar + por + infinitivo

Acabou por chorar.

reiterativa

Volver + infinitivo

Volvín caer no mesmo charco

Ter + participio

Temos estado moitas veces en Ourense

· Ter + Participio: Cando temos o verbo Ter + participio de verbos
transitivos,que aparece concordando co seu obxecto directo non é
perífrase verbal: Decatouse de que tiña chantados os ollos.

No hay comentarios:

Publicar un comentario